蘑菇頭

今日竟然比我係759發現左明治蘑菇山朱古力! li 個獨一無二的蘑菇造型, 超可愛蘑菇型黑朱古力和牛奶朱古力2 層包住鬆脆可口既餅乾仔! 嘩好得意呀~
所以.... 冇錯! 我已經毫不猶豫甘買左3盒! 哈哈哈哈 : P

抺茶呀抺茶

除左紅豆我都好鐘意抺茶味! li 幾隻抺茶糖你地有無見過呀? 未食已經聞到好大既抺茶味, 一入口好濃既抺茶味好味呀!!!真係好味呀! 我要一次過帶曬你地返屋企!

紅豆呀紅豆

今日又靜靜雞甘走左去759睇下有D咩新貨仔: ) 比我發現左佢.....

我講緊既係森永(大大粒)紅豆糖! 雖然個包裝就有D老套, 不過食落你就知非常好味! 直頭同我最鐘意飲既紅豆冰一樣甘好味!

之前都有朋友知我鐘意紅豆, 特登係日本帶比我, 嘩...真係一試難忘呀! 幾年間都有係香港搵下有冇得賣, 唔使下下係日本帶返黎甘慘, 終於比我係Citysuper搵到佢! 不過...話明Citysuper個價都幾super ga所以都係就住就住甘買下:(

不過! 依家比我係759搵到佢簡直係開心到暈, 又平又靚又正, 總知就日日有食神呀!

開心大發現!

無無聊聊做咩好? 無錯! 我又走左去759! 嘿嘿...因為實在係有太多新奇有趣野啦, 係要定期擴闊下視野先得! 今日又有咩發現呢? 登登登.....

係自己用零食整屋仔呀! 好得意呀!! 我都要整返間!!